Skaðvaldar í görðum

Þekktu óvininn – Algengir skaðvaldar í íslenskum görðum

Garðurinn er griðastaður, en stundum fáum við óboðna gesti. Hér er yfirlit yfir þá skaðvalda sem herja helst á gróður og útisvæði. Ef þú sérð merki um þessa gesti er vissara að bregðast við strax.

Þegar laufin eru nöguð (Trjámaðkur og lirfur)

Þegar laufblöð eru étin, götuð eða visna skyndilega er oftast um að ræða lirfur sem naga sig í gegnum gróðurinn.

Asparglytta: Leggst einkum á ösp og viðju. Lirfurnar éta laufið og geta gert tréð blaðlaust og götótt á skömmum tíma.

Haustfeti: Mjög algengur á birki, víði og reyni. Lirfan er alæta og veldur miklum skaða hratt.

Birkikemba og Birkiþéla: Lifa inni í sjálfu laufblaðinu. Sést oft sem brúnir flekkir eða „kýli“ á laufunum.

Ranabjöllur (Rótaplágan): Lirfur (t.d. hélukeppur) lifa í jarðvegi og naga rætur. Hættulegt ungum plöntum sem geta drepist skyndilega.

Þegar tréð missir lit (Lús og sogskordýr)

Þessir gestir eru oft minni en maðkurinn en sjúga safa og kraft úr trjánum.

Sitkalús: Óvinur númer eitt fyrir sitka- og blágreni. Nálarnar verða gular, svo rauðbrúnar og detta af (byrjar oftast neðst).

Furulús: Myndar áberandi hvíta „vax-hnoðra“ (eins og ull) á berki og barri. Getur drepið tréð sé ekkert að gert.

Blaðlýs: Ýmsar tegundir. Valda því að vöxtur verpist og draga úr þrótti plöntunnar. Klístrað og leiðinlegt.

Matjurtir og berjarunnar

Fyrir þá sem rækta til matar er fátt verra en að missa uppskeruna í hendur meindýra.

Spánarsnegill (Vargsnigill): Stór og ágengur snigill sem étur nánast allt sem að kjafti kemur, sérstaklega í matjurtagörðum. Hann verpur mikið og dreifir sér hratt.

Rifsþéla: Lirfur hennar herja á rifsberjarunnum (sérstaklega rauðrifs) og geta hreinsað upp laufin á ótrúlegum hraða.

Kálfluga: Leggst á kál, rófur og aðrar plöntur af krossblómaætt.

Óværa á pöllum og stéttum

Ekki öll meindýr ráðast á gróðurinn. Sumir gera sig heimakomna undir hellum eða utan á húsinu.

Garðamaurar (Húsamaurar): Búa gjarnan undir hellulögnum og stéttum þar sem er hlýtt. Þeir grafa sandinn undan hellunum þannig að þær losna eða síga. Leita oft inn í hús á vorin.

Kóngulær: Þó þær séu ekki hættulegar gróðri, setjast þær gjarnan að í skjólveggjum, gluggakörmum og úti-ljósum þar sem vefirnir safna óhreinindum.

Geitungar: Sjá nánar á sérsíðu um [Geitunga].

Traust garðaþjónusta allan ársins hring!

Fáðu tilboð þér að kostnaðarlausu

547 7900

Sendu okkur fyrirspurn